À a so ultima assemblea generale, a federazione Eskolim hà elettu u so novu presidente. Ghjiseppu Turchini (Scola Corsa) piglia a seguita di Yann Uguen (Diwan).
21 è 22 di marzu 2025. Riuniti in assemblea generale, i membri di a rete Eskolim si sò ritruvati in Carcassone per un scontru riccu di ritorni di sperienze è di più di 50 anni d'immersione. Ghjiseppu Turchini, presidente di Scola Corsa, hè statu elettu presidente d'Eskolim.
Tutti l’anni, i membri d’Eskolim, a federazione di e rete di e scole assuciative immersive, cunvocanu a so assemblea generale. Hè cusì chi dopu à a so ultima edizione, Ghjiseppu Turchini, presidente di Scola Corsa, hè statu elettu presidente. Piglia a seguita di Yann Uguen, presidente di Diwan.
À l’occasione di stu scontru, a rete Eskolim hà fattu unepochi di custati. À u Paese Bascu, grazia à a mubilizazione di i prufessori di liceu di Seaska, un centu d’insignanti di trè filere anu decisu d’autorizà l’elevi chì a volenu à sprimesi in lingua basca pè e prove di u Grande orale di u Bascigliè in parechje discipline.
Invece, a rete s’hè lagnata chì Scola Corsa – membre d’Eskolim – chì hè vicina di i so 5 anni, ùn sia ancu in cuntrattu d’assuciazione cù u Statu.
A rete sottulinea dinù e difficultà finanziarie scuntrate, cù nanzituttu a crescita di i costi è di i spese salariale.