Scola Corsa manda i so più calurosi ringrazii à tutti quelli chì anu cuntribuitu cusì magnificamente à a riescita di a tavula tonda è di a serata di sabbatu scorsu :

- E centinaie di persone chì anu empiutu u Spaziu Carlu Rocchi per stu bellissimu cuncertu. Senza voi ùn si feria nunda è ci rinforza sempre di più a vostra adesione !



• U nostru invitatu Felip Hammel, fundatore storicu di Calandreta è d’Eskolim, per i so preziosi cunsiglii è u so fidu sustegnu dapoi u principiu.


• L’eletti presenti : Egidiu Simeoni, Presidente di l’Esecutivu per u so ingagiamentu custante à favore di stu prugettu cullettivu ; Nadina Nivaggioni cunsigliera territuriale ; Ghjuvancarlu Giabiconi, merre di Biguglia ; Petru Savelli, merre di Bastia, Francescu Alfonsi, es deputatu eurupeu è i numerosi agiunti è cunsiglieri municipali di tante cumune.
• A Cità di Biguglia chì ci hà messu à dispusizione i lucali di u Spaziu Carlu Rocchi di gratisi.


• Tutti i cantori è musicanti chì anu incantatu u publicu : Eppò, Patrizia Gattaceca, I Pignotti, Francine Massiani, Elisa Tramoni, Rumanu Dominici, cù una gratitutine particulare à Michè Dominici chì l’hà adduniti ingir’à ellu è à Ghjuvan Federiccu Terrazzoni chì hà scrittu e parolle di l’innu à Scola corsa. A mubilizazione di u mondu artisticu hè pè noi un sustegnu fundamentale chì dà vigore è leghjittimità à a nostra mossa.
• Evelaine Fontana chì hà animatu a serata cun grazia è sapè fà maiò.
• U presidente de Scola corsa Biguglia, Ghjuvan Mighele Dominici è tutta a so sguatra, veri prumutori di l’iniziativa.

• Tutti i benevulenti di l’associu chì s’impegnanu senza risparmassi da un capu di l’annu à l’altru, parenti è amichi di sta famiglione chì cresce ogni ghjornu : troppu fastidiosu veneria à ammintalli tutti.


• V’abbraccemu curdialamente tutti quant’è vo site. Stateci à latu è prestu à ritruvacci per d’altre stonde di spartera ! Inseme, spannemu a nostra lingua !